ស្ថានីយទូរទស្សន៍ PNN មានឈ្មោះពេញ «People National Network» ឬ បណ្តាញជាតិ ប្រជាជន។ PNN គឺជាស្ថានីយទូរទស្សន៍ ដែលមានទំហំ ធំជាងគេបង្អស់ នៅកម្ពុជា ដោយត្រូវបានសាងសង់ លើដីទំហំ ១០ ហិកតា និងបានចំណាយទឹកប្រាក់ប្រមាណ ៤០លានដុល្លារអាមេរិក របស់អ្នកឧកញ៉ា លី យ៉ុងផាត់។

PNN បានចាប់ផ្តើមដំណើរការផ្សាយ សាកល្បងលើកដំបូងកាលពីខែកក្កដា ឆ្នាំ២០១៥។ PNN បាននិងផលិតកម្មវិធីល្អៗ ជាច្រើនដូចជា កម្មវិធីព័ត៍មាន កម្មវិធីកម្សាន្ត បែបប្រជាប្រិយ កម្មវិធីសម្រាប់កុមារ រឿងភាគហុងកុង រឿងភាគថៃ ជាពិសេសនោះ PNN ក៏បានលើកស្ទួយវិស័យភាពយន្តភាគខ្មែរ តាមរយៈការចំណាយទុនយ៉ាងច្រើនសន្ធឹកសន្ធាប់ ក្នុងការផលិតរឿងភាគខ្មែរ ដែលមានគុណភាពជូនដល់អ្នកទស្សនា។